Selim Pacolli: Familja mbetet mbështetja më e sigurt e jetës sonë

12:58 | 30 Janar 2025
E.K

Kandidati për deputet nga koalicioni “Për Familje”, Selim Pacolli, ka theksuar rëndësinë e familjes, duke u shprehur se në familje mësojmë për herë të parë se çfarë do të thotë të duash dhe të jesh i dashur.

Pacolli theksoi se familja është vendi ku prindërit sakrifikojnë pa kushte për fëmijët e tyre, ku vëllezërit dhe motrat ndajnë ëndrra dhe kujtime, dhe ku çdo sfidë përballohet së bashku.

Ai shtoi se, në të mirë e në të keq, familja mbetet mbështetja më e sigurt e jetës sonë.

“Në familje mësojmë për herë të parë çfarë do të thotë të duash dhe të jesh i dashur. Është vendi ku prindërit sakrifikojnë pa kushte për fëmijët e tyre, ku vëllezërit dhe motrat ndajnë ëndrra dhe kujtime, ku çdo sfidë përballohet së bashku. Në të mirë e në të keq, familja mbetet mbështetja më e sigurt e jetës sonë”, shkroi Pacolli./Arbresh.info